Montsant, 2019. A aparición do cadáver de Jaume Folch, patriarca dunha dinastía vinícola nas proximidades da cartuxa de Escaladei, pon en alerta ás forzas da orde. A vítima foi degolada e ten un símbolo gravado a coitelo no peito. A notoriedade do apelido e a crueldade mostrada no asasinato esixen unha investigación rápida e discreta, que é asignada ao inspector dos Mossos d'Esquadra Víctor Sanz Gimeno.
Sagi, alcume co que todos coñecen o policía, xunto coa nova xornalista que descobre o corpo e que parece ir sempre un paso por diante, non só destapará as rivalidades da familia do falecido, senón tamén unha lenda sobre unha irmandade secreta que se remonta ao século XV.