Curada de espantos tras noventa anos, unha abdicación, unha guerra mundial, a temperá morte do seu pai e un bo catálogo de escándalos familiares, a raíña Isabel II disponse a pasar uns tranquilos días de Nadal coa súa familia na mansión de Sandringham. Porén, un achádego impactante interrompe os seus plans de vacacións: unha man humana e unha bolsa con droga víronse arrastradas pola corrente até a praia de Snettisham, preto das súas terras, na costa de Norfolk. A víctima e o septuaxenario Edward Saint Cyr, veciño e amigo do monarca, a quen esta identifica polo anel de ouro co emblema dun cisne que aínda leva no dedo maimiño.