São Paulo, 2003. Os inspectores Mario Leme e Ricardo Lisboa investigan a morte do director do Instituto Británico. Dado o rango da vítima, a cúpula policial desexa unha resolución rápida do caso. A versión oficial será un atraco que acabou complicándose, así que a policía militar acaba facendo unha redada nunha favela e arresta a un criminal calquera. En 2018, tres adolescentes descarreirados, movidos polo discurso do candidato a presidente do Goberno brasileiro, agriden a un homosexual e grávanlle a coitelo a V de vitoria e unha cruz gammada no peito.
Unha novela coral que recrea a situación política e social en São Paulo, unha das cidades máis fascinantes e violentas de Brasil e do mundo, entre o primeiro mandato de Lula e a chegada ao poder de Bolsonaro.